රස්තියාදුකාරයෙකු කියූ විට එසැණින් මතකයට නැගෙන්නේ පිළිවෙලක් නැති කොන්ඩයකින් හෙබි, අණ්ඩ දැමූ කලිසමක් ඇඳි අරමුණක් නැතිව කණ්ඩායමක් සමඟ හෝ තනිව පාරක් අසල ගැවසෙන පුද්ගලයෙකි. බොහෝ මිනිසුන් රස්තියාදුව අනුමත නොකරන අතර රස්තියාදුකාරයින් ප්රතික්ෂේප කරති.
සමස්තයක් වශයෙන් ගත් කල, රස්තියාදුකාරයන් මිස " රස්තියාදුකාරියන්" සමාජයේ දක්නට නොලැබේ.නමුත්, සමාජයට බියෙන් ප්රසිද්ධියේ රස්තියාදු නොගැහුවද, සිතින් රස්තියාදුව ප්රිය කරන එක් ගැහැණු ලමයෙකු පිළිබඳව මම හොඳාකාරවම දනිමි.
කුඩා කල සිටම රස්තියාදු ගැසීමට හා වල බැසීමට ඉමහත් ආශාවකින් පසුවූ මා හට සමාජ සාරධර්ම හා අනෙකුත් සම්මතයන් නිසාවෙන් කිසි දිනක ඊට ඉඩක් නොලැබුණි.
මද්යම රාත්රියද පසු වන තෙක්ම යහළු යෙහෙළියන් සමඟ අරමුණක් නැතිව ගාලු-කොළඹ පාරේ ඇවිදින්නටත්, Galle face, MC, bus stand වැනි ස්ථානයන්හි රැය පහන් කිරීමටත් ඉමහත් කැමත්තක් දැක්වුවද , එයට කිසි දිනක ඉඩ හසර නොලැබෙන බව පෙනී යන විට , මේ ජීවිතය විදිනවාද? විදවනවාද ? යන්න සිතා ගත නොහැක.
අනාගතයේදී ගරුකටයුතු රැකියාවක නිරත වීමට නියමිත මා හට , මා රිසි ජීවිතය කිසි දිනක නොලැබෙනු ඇත.exam, assignment හා project වලට මැදිවී සිතට එකඟ නැති ජීවිතයක් ගෙවන මා හට කවදා හෝ රස්තියාදුකාරියක වන්නට ලැබේවායි තුන් සිතින්ම ප්රාර්ථනා කරමි....
""මට අවනත නැති මම
දනිමි මම වැරදි බව
සිතින් සිතුමට පවා
දැනෙයි නොකළයුතු බව
සිතින් කීවත් සදා..
ලෝකයා සිනාසීමට
බලා සිටිනා නිසා
ඉදිරි පියවර තබා
ආයේ අරගත්තෙ මා..
මට මා හිමි නැතිය
දුකින් මිරිකී හඬා
අවනතක් නැතිය සිත
අකීකරු වී මෙදා..
නොහැක තව ඉවසන්න
කූඩුවක සිරවෙලා
තටු ගසා ඉගිල්ලෙමි
සියෙලු දේ පසෙකලා.. ""
2 comments:
ජීවිතය ගාලු කොටුව වැන්නකි.
අපි එහි රස්තියාදුකාරයෝ වෙමු.
well said :)
Post a Comment